ما بنطير برانا رد للضل

( قالو ) ما بنطير برانا
كلمات : خليل محمد الخليل



انحنا فــريق خيانه

حــــاســدين المعانا

وكاتمين في حشانا

في عويلنا وبكـــانا

حالفين بي امانه ....... مابنطير برانا


***************



يميـــن بالله طــــارو والراكين انحنـا

في افريقيا نقدل ولي كـــاسك طمحنا

ريحنــا العـــــوازل بالكي استـــرحنا

في قبر الخصوم ... وصيفنا صبح في محنه


***************



ما بنطير برانا ؟؟؟ والله تطيرو طيره

طالقين بالتلاتة .. كمان بعديها سيره

انحنا سيول تلاطم وامواج بي هديره

كيف طيش الافارقة يواجه الدميره ؟


***************


متين القمـري بضـــرب ويهز الجبـال

ومتين الغش بيظهر ويجاري الحـلال

ومتين ضــــوء الحقيقة يتبـــدل خيال

وكيف ( الضل ) بخالف ويغلب الهلال


***************


طيـر يا حمامنا يلا .. خلينــا النجول

كـــاس افريقيا قرب باقيلنا الوصول

الحـــاقد محـــــرق والحـــاسد يزول

يعيش الوالي دائما لي غش العقول


***************


الكضــــاب بيكتب ويصدق في الكلام

كاس افريقيا غالي ما بشيلو الحمـام

خلــــــوها الفضــائح يانـــاس يا لئام

(وصيف التكسي) طاير وما بيلقي احترام


***************


يـــا أحمد محمد هلالنا الغالي سيدك

تحلف بالكـذب هـلالنا يطير بي ايدك

اقـــوان المعلم و دمبــــا اكيد بفيدك

وقون ايفوسا جاك في حقدك بزيدك


***************

في كـــره الهـــلال ديل سوو البلاوي

ساكين الكجور وجارين في الشكاوي

فـــاتو الكاف هناك راسمين الحكاوي

لانو هلالنا حالف لكاس افريقيا ناوي

***************
الحقــد الدفين سيطــــــر في عقولهم

نســــــاهم وطنهـم عاداتن واصولهم

الــــزول الضعيف هـو الحدد ميولهم

سيدو هلالو غالب ايه بيفيدو قولهم

***************
طايرين يا طــوايش عاد كيفن تـــركو؟؟

رادمين الشكاوي وصائف( اتراكو) ركو

مـــــا قدر البطولة .... جايين لي تلكو؟؟

هلالنا طريقو قاسي ....... الاحسن تفكو

***************

يــــــا مــزمز حقيقة مــا بتطير بــراك

جنحينك انحنــــا وعــــارفين وين اذاك

جــــو النــار تجدنا وان قلته في سماك

نضرب فيك حمامنا ... ثلاثة اكيد كفاك