انس عابدين
عدد المساهمات : 2 تاريخ التسجيل : 29/09/2009
| موضوع: شعر الهلالابي 999 منقول من منتديات سيد البلد الأحد فبراير 14, 2010 6:56 pm | |
| رقم المشاركة : 1 | vbmenu_register("postmenu_161846", true); سيد بلد مبدع
| مسدار اليوم:..الهلال يحقق الكاس الخارجي الرابع في تاريخه..في يوم عيد تأسيسو ال 80
مبروك للهلال...اسعد شعوبو وناسو مبروك للرجال..مبروك جميع فراسو من ارض الخليج...حقق بطولتو وكاسو وسودانا الحبيب...ازرقنا رافع راسو
مبروك للهلال...الليله كان يوم عيدو يا رب يا كريم...من حسنو دوما زيدو ازرقنا الحبيب...ارواحنا جد بتريدو وفي فنو الرهيب...دوزنتا لحن قصيدو
مبروك للهلال...اقمار لعيبة حريفه ابطال في الدوام...ما قالو مره وصيفا مبدعنا الغزال...ما اجمل التهديفا بددتا المحال...وشكرا حبيبنا خليفه
مبروك للهلال...يوم عيدو جد فرحنا في حبو الحلال...بحروفنا نحنا صدحنا نصرك يا بطل...زال الهموم ريحنا ابداعك هطل...وبالفرحة اتوشحنا
مبروك للهلال...ما احلي فوزو ونصرو ليهو القلب مال...حب مستحيل بنحصرو هيثمنا السفير...في قلوبنا شيد قصرو تسلم يا امير...يا رب دوام تنتصرو
مبروك للهلال...مبروك بدورو وشعبو فن مذداد جمال...وكل الفنون في لعبو جوه المستطيل...اعداكا منك تعبو اقدل يا جميل...واقهر خصومنا الصعبو
مبروك للهلال...من بره جاب انجازو والكاس في الوطن...قالد ذهب ممتازو محبوبي الزعيم...ليك الحروف بنحازو يا رعد الهزيم...ومطرا غشانا رزازو
مبروك للهلال...نثر الفرح في وطنو بي لغة الجمال...عشاقو غنو ورطنو اتيام الخصوم...يا ريتو يوم لو فطنو نحنا علي العموم...فينا المصاعب سكنو
|
| |
|